Uppskrift að kalkúnaveislu!

Kalkúnasósa
200 gr saxaður laukur
150 gr sveppir skornir
2 msk kalkúnapaste
2 msk apríkósusulta
250 ml Debic culinaire
3 msk rauðvín/hvítvín
1 tsk þurrkuð steinselja
1 tsk þurrkað timian
1 msk hveiti til að þykkja
30 gr smjör
3 dl vatn

Setjið laukinn á pönnu og mýkið í smjörinu. Bætið sveppum við þegar laukurinn er orðinn glær.  Hitið upp vatnið og bætið kalkúnapasteinu við. Hellið svo soðinu yfir laukinn og sveppina og látið malla í 10 mín við lágan hita. Setjið rjómann, sultuna og kryddið – allt nema pipar. Látið sósuna þykkna og bætið hveiti við ef þurfa þykir. Látið suðuna koma upp og bætið að lokum í hvítvín eða rauðvín (eftir smekk) og smakkið til með pipar.

Kalkúnafylling
1 pk serrano skinka
150 gr beikon
2 stk Castello rjómaostur
100 gr ristaðar furuhnetur
200 gr brauðteningar
100 g laukur
1 tsk oregano
1 tsk timian
1 tsk rósmarín
35  gr  hvítlaukur

Mýkið upp rjómaostinn við stofuhita.  Ristið furuhneturnar í ofni á 180 gráðum þar til gullinbrún og kælið svo.  Skerið beikonið og serrano skinkuna í smáa bita eða ræmur og setjið í skál. Saxið laukinn smátt og bætið í skálina.  Setjið allt krydd ofan í skálina og hrærið öllu saman.  Setjið svo rjómaostinn í skálina og hærið aftur vel saman og bætið svo við brauðteningunum í lokin og hrærið allt saman.

Setjið plastfilmu yfir og látið standa í kæli.

Trönuberjasulta
250 ml vatn
240 gr sykur
400 gr  þurrkuð trönuber
1 appelsína
1 epli
1 pera
100 gr þurrkaðir ávextir
60 gr saxaðar pekan hnetur
1 tsk salt
1 tsk kanill
½ tsk Negull

Sjóða vatn og sykur saman þar til sykurinn er uppleystur. Skera ávexti smátt. Bæta öllu hráefninu saman við  og hrærið saman og lækkið hitann. Setja lok á og láta malla í 50 mín. Kæla.